28-vjeçari belg është kthyer në Stamford Bridge me një marrëveshje 5-vjeçare, pasi u largua nga Blutë për t’iu bashkuar Evertonit për 28 milionë funte në 2014.
Tarifa është pak më pak se rekordi britanik i transferimit prej 100 milionë funte të paguar nga Manchester City për Jack Grealish.
“Unë erdha këtu si një fëmijë që kishte shumë për të mësuar, tani po kthehem me shumë përvojë dhe më i pjekur,” tha Lukaku.
Deri tani për Lukakun, janë shpenzuar më shumë para se sa për çdo lojtar tjetër në histori, me klubet që kanë paguar një shifër të kombinuar prej rreth 290 milionë funte, në tarifat e transferimit për të, shkruan BBC.
Golashënuesi më i mirë i të gjitha kohërave në Belgjikë është gjithashtu lojtari më i shtrenjtë i shitur ndonjëherë nga një klub i Serie A, pasi u bë blerja e 3-të më e shtrenjtë në historinë italiane kur ai u bashkua me Interin verën e vitit 2019 nga Manchester United për 74 milionë funte./InLajmi/
