Asociacioni i Gazetarëve të Kosovës, ka dërguar një telegram ngushëllimi për vdekjen e gazetarit Ramush Tahiri, përcjell InLajmi.
Në shkrimin e AGK-së, thuhet se lajmi për vdekjen e gazetarit është pranuar me një pikëllim të thellë, duke treguar dhe vlerësuar kontributin e lartë të Tahirit në profesionin e gazetarisë.
AGK u ka shprehur ngushëllime familjarvë, miqve dhe kolegëve të gazetarit.
Postimi i plotë i AGK-së:
Telegram ngushëllimi për vdekjen e gazetarit, Ramush Tahiri
Me pikëllim të thellë kemi pranuar lajmin për vdekjen e gazetarit, Ramush Tahiri.
Ai kishte punuar si gazetar në Gazeta Rilindja.
Krahas profesionit të gazetarisë, Tahiri ishte edhe politolog, analist dhe këshilltar politik i ish-presidentes së Kosovës, Atifete Jahjaga.
AGK e vlerëson lart kontributin që Tahiri e ka dhënë për profesionin e gazetarisë.
Asociacioni i Gazetarëve të Kosovës u shpreh ngushëllime familjarëve, miqëve dhe kolegëve të gazetarit, Ramush Tahiri./InLajmi/
