Policia e Kosovës ka njoftuar se gjatë një operacionit anti-drogë ka arrestuar 3 persona të dyshuar dhe ka gjetur 11 kilogram subsancë rë dyshuar narkotike, përcjell InLajmi.
Policia nga Prishtina dhe nga Gjilani kanë bashkëpunuar për këtë rast për parandalimin dhe luftimin e dukurisë së posedimit dhe shitblerjes së paautorizuar të drogës.
Policia në fillim ka marrë informacion se në Gjilan do të realizohet një shitblerje e narkotikëve kanë ndërrmarrë menjëherë masa ku së pari kanë indetifikuar një veturë dhe pas saj ka ardhur një veturë tjetër së bashku me 3 persona.
Personi i cili ishte ulur nga prapa kishte dalur nga vetura dhe ishte afëruar veturës tjetër, në këtë rast policia me njëherë kanë ndërrmarrë masa, ku menjëherë kanë filluar kontrollimin e personave, veturave dhe shtëoitë e tyre.
Njoftimi i plotë nga Policia e Kosovë:
Policia e Kosovës gjatë një operacioni anti-drogë arreston tre (3) persona të dyshuar dhe gjen mbi (11) njëmbëdhjetë kilogram substancë të dyshuar narkotike
Policia e Kosovës, njësitet e antidrogës nga Prishtina dhe Gjilani gjatë një bashkëpunimi efikas në luftën e tyre për parandalimin dhe luftimin e dukurisë së posedimit dhe shitblerjes së paautorizuar të substancave narkotike, dje më 11.08,2021, kanë realizuar një operacion të suksesshëm policor ku janë arrestuar tre (3) persona të dyshuar meshkuj shtetas të Serbisë dhe janë gjetur mbi njëmbëdhjetë kilogram (11kg) substancë e dyshuar narkotike.
Njësiti i antidrogës në Prishtinë pas pranimit të informacioneve në rrugë operative se në qytetin e Gjilanit do të realizohet një shitblerje e narkotikëve kanë ndërmarr veprime operative në teren ku kanë arrit që ta identifikojnë një veturë të tipit Mercedes me targa të Serbisë (VR), e cila ndodhej parkuar në një lokacion.
Më pastaj aty ka ardhur një veturë tjetër e tipit Golf, në të cilën ndodheshin tre (3) persona, dhe nga kjo veturë ka zbritur një person që ishte ulur mbrapa dhe është afruar tek vetura e dyshuar Mercedes. Zyrtarët e antidrogës kanë ndërmarr veprimet e menjëhershme për identifikimin dhe kontrollin e personit të dyshuar (P.S) shtetas i Serbisë dhe gjatë kontrollit të mëtejmë në bagazhin e automjetit Mercedes janë gjetur dy pako të mëdha në të cilat ndodheshin tri qese të zeza të mbështjella, ku dyshohej se kishte substancë të dyshuar si marihuanë.
Pas kontrollimit të personave të dyshuar dhe veturave të përfshira në konsultim me prokurorin kompetent Policia e Kosovës ka kontrolluar edhe shtëpinë e njërit nga të dyshuarit në Gjilan dhe gjatë realizimit të bastisjes dhe kontrollit aty janë gjetur si prova materiale:
Një (1) revole (C.Zastava, 9mm),
Një (1) karikator ( me 142 fishekë-9mm),
Një (1) revole ( pa mbishkrim) dhe
Tridhjetë e katër (34 fishek-magnum, cal 44mm). /InLajmi/
