Lidhja Demokratike e Kosovës ka mbajtur konferencë për media, ku deputeti Shkëmb Manaj ka kritikuar kritikuar ministren e Drejtësisë, Albulena Haxhiu për siç ka thënë ai sulmet ndaj Këshillit Prokurorial dhe atij Gjyqësor, raporton InLajmi.
Gjatë kinferencës Manaj ka thënë se sjellja e ministres Haxhiu në këtë formë tregon që kjo ekzekutivi është qeveri e praktikantëve.
“Me shqetësim po i përcjellim sulmet e ministres së Drejtësisë ndaj Këshillit Prokurorial dhe Këshillit Gjyqësor të Kosovës. Këto janë sulme në pavarësinë e institucioneve të drejtësisë. Kjo sjellje tregon qartë që kjo është Qeveri e praktikanteve”.
Tutje deputeti in LDK-së ka thënë se Qeveria Kurti akoma nuk e ka të qartë se si do ta realizojë procesin e Vettingut.
“Edhe sot kjo Qeveri ende nuk e ka idenë se si do t’i qaset procesit të Vettingut. Tash kur e kanë shumicën nuk mund të akuzojnë askënd por të përmirësojnë gjendjen në sistemin e drejtësisë”.
Manaj ndër të tjera i ka bërë thirrje ministres Haxhiu që mos t’i sulmojë institucionet por t’i fuqizojë ato.
“Ato nuk fuqizohen me postime në Facebook por me veprime konkrete”. /InLajmi/
