Qeveria e Kosovës në mbledhjen e sotme ka marrë vendim që të vazhdojë mbështetjen me shtesa për pensionistët dhe familjet me asistencë sociale deri në fundvit, raporton InLajmi.
Ministri i Financave, Hekuran Murati, u shpreh se është paraparë të ndahen gjithsej 17 milionë euro, nga programi i Rimëkëmbjes Ekonomike për këto skema.
Ai tha se shtesa prej 30% do të vazhdojë të vlejë mbi shumën mujore për përfituesit e skemës sociale dhe pensionistët që kanë marrë pension në vlera dyshifrore të mos marrin më pak se 100 euro në muaj.
“Këtë e bëjmë me synim të krijimit të një shoqërie të barabartë. E konsiderojmë të veçantë ashtu që të paguhen shtesat për periudhën deri në fund të vitit 2021”, ka thënë Murati./InLajmi/
