Hakerët kanë vjedhur rreth 600 milion dollarë, në atë që duket të jetë një nga grabitjet më të mëdha të kriptomonedhës ndonjëherë, transmeton InLajmi.
Sajti Blockchain Poly Network tha se hakerat kishin shfrytëzuar një dobësi në sistemin e tij dhe kishin marrë mijëra shenja dixhitale siç është Ether.
Në një letër të postuar në Twitter, kompania u bëri thirrje hajdutëve të “krijojnë komunikim dhe të kthejnë asetet e hakuara”.
Ky hakim është në të njëjtin nivel me shkeljet e mëdha të kohëve të fundit të tilla si Coincheck dhe Mt Gox.
Në letrën e Poly Network thuhet se:
“Shuma e parave që keni hakuar është një nga më të mëdhatë në historinë defi “të financave të decentralizuara”.Zbatimi i ligjit në çdo vend do ta konsiderojë këtë si një krim të madh ekonomik dhe ju do të ndiqeni. Paratë që keni vjedhur janë nga dhjetëra mijëra anëtarë të komunitetit kripto, pra njerëzve,” shkruan BBC.
Poly Network është një ofrues i decentralizuar i financave – ose Defi -, i cili lejon përdoruesit të transferojnë mjete të lidhura me një blockchain në rrjete të ndryshme./InLajmi/
