Nënkryetari i Sindikatës së Bashkuar të Arsimit, Shkencës dhe Kulturës (SBAShK), Ymer Ymeri ka thënë që shpresojnë që në vitin e ardhshëm të dërgojnë 1.000 mësimdhënës për pushime verore në deri, në kohëzgjatje prej 5 ditësh.
Ai në emisionin “Frontal”, në T7 tha se punëtorët e arsimit e meritojnë që të pushojnë në deti deri në një muaj.
“Ne e kemi një traditë pothuajse 15-vjeçare që anëtaret e SBAShK-ut për çdoherë i çojmë nga 400-450 mësimdhënës në pushim. I zgjedhim që çdo i 60 anëtarë që është i SBAShK-ut i çojmë në pushime për 5 ditë. Urojmë që vitin e ardhshëm të kemi buxhet dhe t’i çojmë 1.000. Me pas mundësi i kishim çu 24.500 mësimdhënës që jemi. Jo që e meritojnë një pushim 5 ditë por një pushim një muaj”, ka thënë ai.
“Urojmë që edhe Qeveria të na del në ndihmë më mjete për t’i çuar ata në deti”, ka thënë më tutje Ymeri.
Ymeri ka dhënë detaje edhe për çmimin që kanë paguar për mësimdhënësit për këtë pushim.
“107 euro ka qenë për një mësimdhënës për 5 netë dhe 6 ditë. Nuk ka mundësi teorike që asnjë qytetarë të shkojë me këtë çmim. I paguajmë me bankë , i kemi faturat dhe të gjitha. Pra e kemi pas me 20 euro ditën, me pishinë, çadra, me 3 kohë ushqim. Diku ka qenë rreth 50.000 euro për 450 mësimdhënës”, ka thënë ai.
