Të paktën 42 persona kanë humbur jetën në zjarret që po shkatërrojnë pyjet dhe fshatrat në lindje të kryeqytetit të Algjerisë, përfshirë 25 ushtarë që vdiqën duke shpëtuar banorët, njoftoi presidenti i vendit, transmeton InLajmi.
Presidenti Abdelmadjid Tebboune të martën shkroi në Twitter se ushtarët vdiqën duke shpëtuar 100 njerëz nga zjarret në 2 zona të rajonit Kabyle.
Të paktën 11 ushtarë mbetën të plagosur në luftë me zjarret, ku 4 nga ta janë në gjendje të rëndë.
Rajoni malor Kabyle, gjendet në lindje të kryeqytetit Algjer dhe është i mbushur me fshatra me qasje të vështirë, ky rajon me rritjen e temperaturave, ka pasur edhe shërbim të kufizuar me ujë.
Kryeministri i vendit u shpreh për televizionin shtetëror se raportet fillestare nga shërbimet e sigurisë kanë treguar se zjarret në Kabyle ishin “shumë të sinkronizuara”, duke shtuar se kjo gjë bën të mendohet se këto zjarre janë të qëllimshme./InLajmi/
