Një algoritëm i imazheve në Twitter preferon të shfaq fytyra që janë më të holla, më të reja dhe me lëkurë më të ndritshme, ka zbuluar një studiues, transmeton InLajmi.
Bogdan Kulynyc, ka marrë pjesë në garën e organizuar nga Twitter, për të gjetur paragjykime në algoritmin e fotografive.
Twitter filloi organizimin e kësaj gare e më pas kuptoi që algoritmi po paragjykonte nxjerrjen e fytyrave më të zeza, në opsionin për të rregulluar madhësinë.
Më pas, kompania rishikoi mënyrën e trajtimit të imazheve, dhe doli në përfundim se më së miri prerja e fotografive mund të bëhet nga njerëzit.
“Algoritmi i spikatur” vendoste më parë se si do të shkurtoheshin imazhet në Twitter, para se të klikoheshin për t’u hapur në madhësi të plotë. Aty u pa se kur 2 fytyra ishin në një fotografi, Twitter favorizonte fytyrat më të bardha.
Kjo gjë ndodhte edhe me imazhet e ish -presidentit amerikan Barack Obama dhe senatorit Mitch McConnell, por edhe me imazhet e biznesmenëve që i përkisnin etnive të ndryshme.
Analiza e mëvonshme e Twitter tregoi një diferencë 4%, në barazinë demografike në favor të të bardhëve, shkruan BBC.
Prandaj, drejtori i inxhinierisë softuerike, Rumman Chowdhury tha se Twitter kishte arritur në përfundim se “një fotografi mund të pritet më së miri nga vetë njerëzit.”/InLajmi/
