Kërcënohet gazetari Bujar Vitija, reagon AGK-ja

Gazetari i portalit shneta.com, Bujar Vitija ka njoftuar Asociacionin e Gazetarëve të Kosovës se është kërcënuar, përcjell InLajmi.

Gazetari Vitija ka thënë se është kërcënuar nga nja person që supozohet të jetë babai i anesteziologut, Kemajl Gashi.

Asociacioni ka kërkuar nga policia që ky rast të trajtohet me seriozitet.

Njoftimi i plotë i AGK-së:

AGK-ja dënon kërcënimin ndaj gazetarit Bujar Vitija

Gazetari i portalit “shneta.com

Bujar Vitija e ka njoftuar AGK-në se është kërcënuar nga një person që supozohet se është babai i anesteziologut, Kemajl Gashi për të cilin portali ka raportuar se është dënuar nga Inspektorati Shëndetësor për shkak të lënies së vendit të punës në kohën e kujdestarisë në QKUK.

“Paske shkru diqka. Veten ski me njoft. Shum shpejt kemi mu taku”, i ka shkruar gazetarit Vitija, mes tjerash ky person. AGK-ja e vlerëson kërcënimin të rëndë dhe që rrezikon sigurinë e gazetarit.

AGK-ja kërkon nga Policia ta trajtojë me seriozitet këtë rast, pas paraqitjes nga ana e gazetarit./InLajmi/