Banorët e rrugës “Muharrem Fejza” në Prishtinë, kanë zhvilluar një protestë në oborrin e Komunës së Prishtinës, duke kërkuar punime më të shpejta për rrugën e tyre, raporton InLajmi.
Punimet në këtë rrugë ishte planifikuar të përfundonin më datë 13 Gusht.
Më pas drejtori i Urbanizmit, Gëzim Mehmeti, ka ftuar banorët për të diskutuar brenda objektit të Komunës.
Ai u tha banorëve që janë 2 mundësi për një zgjidhje më të mirë, o të pezullohen punët ose rruga do mbetet gjatë pa u rregulluar.
“Janë 2 mundësi o të pezullohen punët, del inspekcioni, por pastaj rruga mbetet për shumë vite ashtu”, tha Mehmeti.
Arbene Abrashi, një nga banoret tha se i kanë mbledhë banorët për të treguar që nuk kanë koordinim mes vete.
“Na sjellni ju këtu dhe na tregoni që nuk keni koordinim mes vete, nuk është e drejtë”, tha Abrashi.
Ndërsa, Dren Shahini organizator i protestës tha se nuk është duke punuar në bazë të planit, dhe që kanë vështirësi edhe për të ecur.
“Kam ardhur të flas për Muharrem Fejza, jo për 200 e 500 metra. Përse në fillim nuk keni bërë të punohet vetëm në 200 metra, e kur të përfundohet me e nisë me 500 metra? Nën 2, t’i kam dërguar fotot ku shihen si janë varrosur kabllot të cilat janë varrosur pa kanalizim, ato kabllokut kurrë nuk kemi me muajt me i ndërrua.”
“Afati i përmbushjes është 13 Gusht, afati i përmbushjes totale… vetëm dëshirojmë liri të lëvizjes, jo me na u dëmtua automjetet, edhe me u përfundua ndërtimet” , tha Shahini.
Drejtori Mehmeti siguroi banorët se ai është këtu për të gjetur një zgjidhje.
“Unë jam me juve, e kam shumë afër, jeni të mirëseardhur, edhe nesër mund të dal me juve e të bisedoj. Bashkë me juve po vendosim… çështja është me përfundua instalimet në rrugë, e për nxehje është Termokosi.” tha drejtori./InLajmi/
