NASA është në kërkim të disa personave, meshkuj e femra, për të ndihmuar në përparimin e planit për dërgimin e njerëzve në planetin mars në deri në vitin 2037, transmeton InLajmi.
Agjencia amerikane e hapësirës po kërkon ‘individë shumë të motivuar’ për të marrë pjesë në simulimin e sipërfaqes së marsit njëvjeçar, ku ata do të jetojnë në një modul prej 1.700 metra katrorë të printuar 3D nga ICON, i quajtur Mars Dune Alpha.
Programi përbëhet nga 3 simulime, me të parin që fillon në 2022, ku 4 anëtarë që marrin pjesë do të kalojnë një vit të plotë të izoluar në habitatet e krijuara me kushte të Planetit të Kuq.
“Habitati do të simulojë sfidat e një misioni në mars, duke përfshirë kufizimet e burimeve, dështimin e pajisjeve, vonesat në komunikim dhe stresues të tjerë mjedisorë”, tha NASA në njoftim, përcjell DailyMail.
Detyrat e ekuipazhit mund të përfshijnë shëtitje të simuluara në hapësirë, kërkime shkencore, përdorim të realitetit virtual dhe kontrolle robotike bashkë me shkëmbim komunikimesh. Rezultatet do të japin të dhëna të rëndësishme shkencore për të vërtetuar sistemet dhe për të zhvilluar zgjidhje, u tha nga NASA./InLajmi/
