Kryetari i Partisë Demokratike të Kosovës Memli Krasniqi, ka marrë sot dozën e 2-të të vaksinës kundër koronavirusit në Sallën “1 Tetori” në Prishtinë, përcjell InLajmi.
Përmes faqes së tij në Facebook, lideri i opozitës ka ftuar të gjithë qytetarët që të vaksinohen, për ta ruajtur shëndetin e njëri-tjetrit dhe për ta evituar mbylljen e vendit që sipas tij do të ishte fatale për ekonominë e Kosovës.
Postimi i plotë i tij:
Vaksina është mbrojtja më e mirë nga Covid 19. Duke u vaksinuar mbrojmë shëndetin e njëri-tjetrit dhe evitojmë një mbyllje tjetër të vendit që do të ishte fatale për ekonominë tonë. Sot e mora edhe dozën e dytë të vaksinës. Ftoj secilin qytetarë që të vaksinohet. /InLajmi/
