Policia e Shqipërisë ka bërë të ditur se ka arrestuar një person nga Gjilani i moshës 21 vjeçare në Morinë, pasi që i njëjti kishte urdhërarrest nga Kanada, përcjell InLajmi.
Sipas Policisë së Shqipërisë 21 vjeçari kishte kryer veprën penale “Vrasje e shkallës së 2-të”.
Arrestimi i tij ka ndodhur në Pikë Kalimin Kufitar në Morinë, që sipas policisë kishte masa të shtura dhe shkëmbim të infromacioneve me Interpol Tiranën.
Njoftimi i plotë nga Policia e Shqipërisë:
Morinë, Kukës
Vihet në pranga, me qëllim ekstradimi drejt Kanadasë, një shtetas i shpallur në kërkim ndërkombëtar për veprën penale “Vrasje e shkallës së dytë”.
Në hyrje të Pikës së Kalimit Kufitar Morinë, shërbimet e Policisë Kufitare, si rezultat i masave të shtuara dhe shkëmbimit të informacionit me Interpol Tiranën, kanë ndaluar shtetasin e shpallur në kërkim ndërkombëtar:
- K, 21 vjeç, banues në Gjilan, Kosovë.
Gjatë përpunimit dhe verifikimit të të dhënave në sistem, ky shtetas ka rezultuar person në kërkim ndërkombëtar nga NCB Ottaëa, Kanada, pasi Gjykata e Edmonton, Alberta, Kanada ka lëshuar ndaj tij urdhër-arrestin për veprën penale “Vrasje e shkallës së dytë”.
Maksimumi i dënimit për këtë vepër penale është burgim i përjetshëm.
Në përfundim të veprimeve hetimore, specialistët e Sektorit për Hetimin e Krimit në DVP Kukës bënë arrestimin provizor të këtij shtetasi, me qëllim ekstradimin e tij drejt Kanadasë. /InLajmi/
