Policia e Kosovës ka njoftuar përmes raportit 24 orësh për situatën me zjarret në vend, përcjell InLajmi.
Në raport thuhet se në 24 orët e fundit është arrestuar një person, i cili i kishte vënë zjarr arës së tij, ku më pas zjarri ishte përhapur.
Sipas policisë incidente zjarri ka pasur në Obliq, Gjilan e Zubin Potok, ndërkohë është bërë e ditur se nuk ka pasur lëndime në njerëz.
Njoftimet nga raporti i policisë:
Fsh.Leshkoshiq, Obiliq, 06.08.2021-15:00. Është arrestuar i dyshuari mashkull kosovar pasi që i njëjti i kishte vënë zjarrin arës së tij e me pas zjarri është përhapë edhe në arën e ankuesit mashkull kosovar të cilit i janë djegur 15 trupa pemë dhe një pjesë e murit të gjelbër. Zjarri është lokalizuar ndërsa me vendim të prokurorit i dyshuari është liruar në procedurë të rregullt.
Fsh.Llashticë, Gjilan. 08.2021-18:10. Raportohet se në rrethana të panjohura janë përfshi nga zjarri mbeturinat. Në vendin e ngjarjes kanë dalë njësitet përkatëse dhe zjarrfikësit të cilët kanë lokalizuar zjarrin.
Fsh. Cececo, Zubin Potok 05.08.2021 – 14:15. Ankuesi kosovar ka njoftua policinë se nga persona të panjohur i është vënë zjarri pemishtes së tij ku janë djegur 50 trupa të pemëve dhe një shtylle elektrike. Zjarrfikësit kanë dalë në vendin e ngjarjes dhe e kanë shuar zjarrin. Nuk raportohet për të lënduar./InLajmi/
