Sipas Departamentit të Zjarrfikësve të Tokios, mbrëmjen e së premtes 10 persona janë goditur me thikë në një tren nga një burrë, transmeton InLajmi.
Departamenti iu përgjigj një telefonate në orën 8:38 pasdite, dhe pas arritjes në vendngjarje gjeti viktima me njolla gjaku. Të gjitha viktimat ishin me vetëdije dhe nuk ka pasur humbje jete.
Sipas televizionit publik japonez, NHK, i dyshuari më pas kishte shkuar në një dyqan dhe ishte dorëzuar, duke thënë se, “Unë jam i dyshuari për krimin që po flitet në lajme tani. Jam lodhur duke vrapuar.”
Policia Metropolitane e Tokios thotë se burri pranoi akuzën dhe pranoi se “thjesht donte të vriste çdo grua që dukej e lumtur, këdo”.
Televizioni raportoi se i dyshuari dukej të jetë rreth të 30 -ave dhe nëpunësi i dyqanit ku ai ishte dorëzuar kishte thënë se ai kishte njolla gjaku në rrobat e tij.
Incidenti ka ndodhur në një tren të Linjës Odakyu, midis stacionit Seijogakuen-mae dhe stacionit Soshigaya-Okura në Setagaya Ward./InLajmi/
