Tifozat Kuq e Zi bëjnë thirrje që të anulohet koncerti i Goran Bregovic në Korçë

Tifozat Kuq e Zi, kanë reaguar duke bërë thirrje ndaj Bashkësisë së Korçës që të tërheq agjenden e planifikuar për festivalin e birrës, përcjell InLajmi.

Sipas tyre kanë marrë shumë kerkesa nga anëtaret e tyre që të ndalojnë paraqitjen e këngëtarit serb Goran Bregovic, që motivonte paramilitarët serb me këngët e tij për të bërë masakra mbi popullatën civile në shumë qytete të Kosovës.

Tutje kanë thënë se Serbia ndalon transmetimin e këngëve të Dua Lipës e Rita Ores vetëm se ato janë shqiptare.

Nga kjo kanë kërkuar që të tërhiqet nga festivali i Korçës Bregoviçi.

Postimi i tyre i plotë:

REAGIM

Tifozat Kuq e Zi, përmes kësaj thirrje, ftojnë Bashkinë e Korçës të tërhiqet nga agjenda e planifikuar për festivalin e birrës.

Ne deri sot kemi marrë shumë kërkesa nga anëtarët tona nga gjitha trevat që të ndalojmë me trupat tanë paraqitjen e këngëtarit serb që motivonte paramilitarët serb me këngët e tij për të bërë masakra mbi popullatën civile në shumë qytete të Kosovës.

Afro 2000 varreza janë të hapura pa varre në Kosovë sepse kriminelet i zhduken edhe trupat. Mbi 12.000 viktima lufte. Serbia asnjëherë nuk kërkoi falje. Pyesim Bashkinë e Korçës a ka mundur ndonjë artist shqiptar të performoj në ndonjë festival në Serbi? Përgjigja e vetme është JO.

Për më tepër radiot në Serbi ndalojnë transmetimin e këngëve të Dua Lipës e Rita Ores vetëm se ato janë shqiptare. Prandaj para këtij racizmi shtetëror që i’u bëhet shqiptarëve nuk do ti mbyllim sytë. Në mënyrë që festivali të mbahet dhe të mos përfundoj ashtu si nuk duhet, ne edhe njëherë po e përserisim: TËRHIQENI Bregoviçin nga festivali i Korçës.

Kjo është thirrja e fundit! /InLajmi/