Deputeti i Lidhjes Demorkatike të Kosovës, Driton Selmanaj, ka thënë se për të gjitha ata që kanë dilema që qeveria e LVV në krye me Albin Kurtin është kundër agjendes amerikane në Kosovës, sipas Selmanaj kjo u dëshmua edhe formalisht në Kuvendin e Kosovës, përcjell InLajmi.
Sipas Selmanaj, LDK i ka propuzar Kuvendit, rezolutën me pikën: Kuvendi i Republikës së Kosovës fton Qeverinë për zbatimin e plotë të Marrëveshjes së Ëashingtonit të datës 4 shtator 2020, si dhe të përgatitë plan veprimi, i cili duhet të dërgohet për informim në Kuvend.
E që sipas deputetit të LDK-së kjo pikë është hedhur në votim, por është mbështetur vetëm nga opozita që ka qenë e pa mjaftueshme për të marrë miratimin.
Tutje ai ka thënë se për kundër thirrjeve të shumta që janë bërë si nga opozita ashtu edhe nga Presidenti Biden, për zbatimin e marrëveshjes, Qeveria ka vendosur që të sillet dhe të veproj kundër kësaj agjende.
Postimi i plotë i tij:
Për ata që ende kanë dilema që qeveria e LVV-së me kryeministrin Kurti janë kundër agjendes amerikane për Kosovën, sot u dëshmua edhe formalisht në Kuvendin e Kosovës.
Lidhja Demokratike e Kosovës i ka propozuar sot Kuvendit, Rezolutën me vetëm një pikë të vetme si në vijim:
- Kuvendi i Republikës së Kosovës fton Qeverinë për zbatimin e plotë të Marrëveshjes së Ëashingtonit të datës 4 shtator 2020, si dhe të përgatitë plan veprimi, i cili duhet të dërgohet për informim në Kuvend.
Kjo Rezolutë mori mbështetjen vetëm të deputetëve të opozitës, votat e të cilëve ishin të pamjaftueshme për ta marrë miratimin e saj.
Përkundër thirrjeve të vazhdueshme edhe nga adminstrata e re e Presidentit Biden, për domosdoshmërinë e zbatimit të kësaj marrëveshje, Qeveria dhe shumica parlamentare në Kuvend vendos që të sillet dhe veproj kundër kësaj agjende strategjike të shtetit tonë.
Qasja e tillë është kundër Kosovës dhe kundër interesave strategjike për fuqizimin e subjektivitetit ndërkombëtarë të shtetit të Kosovës.
Vetëm dhe vetëm në kordinim të ngushtë me SHBA-të, Kosova e ka të garantuar perspektivën dhe zhvillimin e saj.
Rrugë tjetër nuk ka! /InLajmi/
