2 zyrtarë në Gjermani janë nën hetime për dyshimin për vrasje nga neglizhenca shkaku i evakuimit të ngadalshëm gjatë vërshimeve që lanë mbi 170 të vdekur, njoftuan të premten autoritetet gjermane.
Rajoni Rheinland-Pfalz pësoi më së shumti nga vërshimet më vdekjeprurëse në 6-të dekada, me ç’rast u shkaktuan edhe dëme të mëdha materiale. Sipas vlerësimit fillestar, kostoja e riparimit e arrin shifrën e 6 miliardë eurove.
Zyra për Hetime Kriminale e këtij rajoni tha se në bazë të punës fillestare të zyrës së prokurorit publik në qytetin Koblenz, ka shenja që tregojnë se evakuimet janë vonuar dhe se 2 zyrtarë në distriktin perëndimor, Ahrëeiler, janë duke u hetuar.
2 zyrtarët, emrat e të cilëve nuk u publikuan, dyshohen për vrasje nga neglizhenca dhe lëndim trupor nga neglizhenca. Dokumentet dhe të dhënat nga ekipi i krizave dhe mjetet personale të komunikimit janë marrë për analizë, shkruan Reuters.
Vërshimet e kanë tundur politikën gjermane para zgjedhjeve të përgjithshme në shtator, duke ngritur pytje rreth asaj se pse ekonomia më e madhe e Evropës u zu kaq e papërgatitur dhe si të bëhen përgatitjet për ndikimin e ngrohjes globale, transmeton Gazeta Express.
Sipas një ankete të muajit të kaluar të gazetës “Bild”, 2 e 3-ta e gjermanëve besojnë se politikëbërësit federalë dhe rajonalë është dashur të bëjnë më shumë për t’i mbrojtur komunitetet.
