Prishtina ka marrë një fitore të madhe në ndeshjen e parë të raundit të 3 të Ligës së Konferencës.
Kampioni në fuqi i Kosovës ka triumfuar ndaj kampionëve të Norvegjisë me rezultat të ngushtë 2-1.
Ndeshja filloi më mirë për skuadrën mysafire që krijoi disa raste të rrezikshme.
E vetëm pas 10 minutave lojë, Bodo/Glimt kaloi në epërsi.
Sulmuesi anësor Solbakken harkoi bukur në zonë nga e majta, derisa topin në portë e dërgoi Botheim për 0-1.
Por përkundër disavantazhit, prishtinasit nuk u dorëzuan dhe zhvilluan një ndeshje të mirë.
E në minutën e 44-të ishte sulmuesi nigerian Otto John që shënoi me kokë për të barazuar shifrat në 1-1.
Kësisoj me rezultatin e barabartë 1-1 përfunduan 45 minutat e para të kësaj sfide.
Mysafirët krijuan më shumë raste edhe në pjesën e 2, por pa sukses përballë mbrojtjes së fortë të prishtinasve, përcjell Telegrafi
E në minutën e 82-të, Prishtina kaloi për herë të parë në epërsi.
