Zjarret kanë pushtuar edhe Varibobin e Greqisë ku pamjet që janë shkrepur nga momentet e flakëve janë të rënda. Në foto shikohen kafshët që janë në luftë për t’i mbijetuar flakëve.
Zjarrfikësit dhe qytetarë të thjeshtë arritën të shpëtonin dhjetëra kafshë. Fotoja e një vajze që përqafon kalin e saj në zjarr dhe zjarrfikësit që përpiqen t’i japin ujë një qeni, ndërsa një tjetër i fut këmbën në ujë për t’i qetësuar plagën e shkaktuar nga zjarri po bëjnë xhiron e rrjetit.
Pamje të tjera trishtuese janë imazhet e kuajve duke vrapuar për t’i shpëtuar flakëve. Sipas Sekretarit të Përgjithshëm të Federatës Greke të Kuajve, disa kuaj u transportuan me kamionë, transmeton Kosovarja
Shumë pronarë, me postimet e tyre në rrjetet sociale, po kërkojnë kafshët shtëpiake, ndërsa disa dashamirës të kafshëve që janë kujdesur për to, i publikojnë ato në internet, me shpresën se do të gjejnë përsëri familjen e tyre.
