Policia e rajonit të Prishtinës ka njoftuar se në 2 raste të ndara ka identifikuar 2 të dyshuar për raste të zjarr vënies, përcjell InLajmi.
Sipas zëdhënësit të policisë për rajonin e Prishtinës Agron Borovci rasti i parë ka ndodhur rreth orës 10:15 ku është pranuar informata për zjarr në fshatin Siçevë të komunës së Prishtinës.
Rreth orës 10:15, është pranuar informata për zjarr në fshatin Siçevë të komunës së Prishtinës.
Policia menjëherë ka dalë në vendin e ngjarjes nga ku është raportuar për lokalizim zjarri.Nga një hetim preliminar që policia i ka bërë rrethanave të ngjarjes ka identifikuar një të dyshuar, mashkull, 20 vjeç, ndaj të cilit me rekomandimin e prokurorit të shtetit ka iniciuar rastin “Zjarr vënie” për ta proceduar më tej.
Ndërka rasti i 2-të ka ndodhur në rrugën “Gjergj Gjini” në Prishtinë rreth orës 13:30.
Po ashtu, rreth orës 13:30, policia ka marrë informatën për një zjarr në rrugën “Gjergj Gjini” në Prishtinë, ku të gjitha njësitë relevante kanë dalë në vend ngjarje.
Së këndejmi veprimet e para hetimore të policisë kanë rezultuar me identifikimin e një të dyshuari, mashkull, i cili ka ndezur një zjarr në shkurre dhe përkundër që zjarri ka dalë nga kontrolli, fatmirësisht është lokalizuar shpejt.
Ndaj të dyshuarit me rekomandimin e prokurorit të shtetit policia ka iniciuar rastin “Zjarr vënie”. /InLajmi/
