Policia e Kosovës ka njoftuar se patrolla policore kufitare në Leposaviq, saktësisht në fshatin Sarpel ka ndaluar një automjet i cili ishte drejtuar përmes rrugëve alternative për të hyrë në Kosovë nga Serbia, përcjell InLajmi.
Sipas njoftimit të policisë brenda automjetit ishin gjetur 100 kg peshk i kontrabanduar.
Ku për ketë rast është njoftuar prokurori, ndërsa automjeti dhe malli i kontranabduar janë dorëzuar në Doganën e Kosovës, ndërsa i dyshuari është liruar në procedura të rregullta.
Njoftimi i plotë nga Policia e Kosovës:
Policia e Kosovës, gjegjësisht patrulla policore e Stacionit Policor Kufitar Leposaviq, më 04.08.2021 rreth orës 03:20, në fshatin Sarpel KK Leposaviq, ka ndaluar një automjet me drejtues B.B. shtetas kosovar. I dyshuari është hasur duke hyrë nga territori i Serbisë për në Republikën e Kosovës përmes rrugëve alternative.
Në automjet janë gjendur 100 kg peshk i kontrabanduar, për rastin është kontaktuar prokurori kompetent i cili ka autorizuar inicimin e rastit ‘kalim i pa autorizuar i vijës kufitare & kontrabanda me mall’.
Automjeti dhe malli i kontrabanduar janë dorëzuar Doganës së Kosovës, i dyshuari, me aktvendim të prokurorit është liruar në procedurë të rregullt. /InLajmi/
