Organizata UNICEF në Kosovës ka bërë të ditur se në vendin tonë kanë arritur edhe 38.400 doza të tjera të vaskinës Astra Zeneca kundër koronavirusit, përcjell InLajmi.
Sipas kësaj organizatë këto vaksina kanë ardhur nga programi i COVAX të prokuruara nga UNICEF, që sipas tyre kjo është dërgesa e 4-tërt e COVAX në Kosovë.
Tutje nga UNICEF-i kanë bërë të ditur se i kanë ndihmuar Ministrisë së Shëndetësisë me 211.420 doza të vaksinave anti-Covid, ku javën e ardhshme do të vijnë edhe 521.820 doza të tjera Pfizer.
Njoftimi i plotë nga UNICEF:
Sot, Kosova pranoi 38,400 doza të tjera të vaksinës AstraZeneca / Oxford COVID-19, të prokuruara nga UNICEF-i përmes COVAX-it. Kjo është dërgesa e katërt e vaksinave COVID-19 në Kosovë përmes COVAX.
Deri më tani, Zyra e UNICEF-it në Kosovë e ka mbështetur Ministrinë e Shëndetësisë me donacionin e 211,420 dozave të vaksinës COVID-19 përmes COVAX. Një dërgesë tjetër prej 521,820 dozave të vaksinës Pfizer-BioNTech COVID-19 do të arrijë në javët e ardhshme.
Me vaksinat e dorëzuara deri më sot dhe arritjen e vaksinave tjera në javët e ardhshme, UNICEF-i përmes COVAX do të mbulojë 20% të popullsisë së Kosovës. #Vaksinohu /InLajmi/
