Shefi i Grupit Parlamentar të PDK-së, Abelard Tahiri, është shprehur se Qeveria për 100 ditë është karakterizuar me mosangazhim e mosvizonin, raporton InLajmi.
Sipas tij pozita nuk po mund të realizojë nismat e premtuara, prandaj po kthen vëmendjen nga opozita.
“Opozita nuk e udhëheq këtë vend. Nuk është dëm e turp me kritiku për mospunën, mosangazhimin e mosvizionin e kësaj qeverisje. Ne thjeshtë po i përmendim iniciativat që nuk po shohim që kanë nisë me u realizua. Sot në këtë 100 ditësh është dashtë me kritiku për ato projekte se a po bëhen mirë apo jo. Duke mos pas mundësi me fol për krejt këto iniciativa, deputet e pozitës mundohen me kthy vëmendjen nga opozita”, është shprehur ai.
Tahiri ka shtuar se po kërkojnë më shumë përgjegjësi nga kjo qeveri e ky kryeministër.
Edhe deputetja nga radhët e LDK-së, Rrezarta Krasniqi, ka drejtuar kritikat e saj për punën e Qeverisë Kurti, duke e quajtur më të dobëtën në historinë e Kosovës.
“Qeveria Kurti do të mbahet mend si qeveria më e dobët në histori të vendit. 100 ditë dëshpërim për qytetarët”.
Ndërsa, deputeti i LVV-së, Enver Dugolli, është përgjigjur duke thënë se që në ditët e para të formimit të Qeverisë opozita ka filluar të shfaq mllef ndaj qeverisë dhe me veprime të qëllimshme ka dëmtuar procese të rëndësishme./InLajmi/
