Drejtori i Institutit Sizmik, Shemsi Mustafa, është shprehur se në të ardhmen Kosova mund të goditet nga ndonjë tërmet që kap magnitudën 6.3 shkallë rihter, përcjell InLajmi.
Mustafa ka thënë se vetëm gjatë javës së shkuar janë regjistruar rreth 7-8 tërmete në vend me shkallë të ndryshme.
Ai ka thënë se ndërtimet e pasluftës janë bërë në mënyrë të egër, gjë që sjell shqetësim te qytetarët në rast tërmeti.
“Kjo tregon se në të kaluarën por edhe tani Kosova mund të goditet me një magnitudë prej 6.3 shkallë të rihterit, shqetësimi i qytetarëve është krijuar sepse të gjithë e dinë se një dekadë pasluftës kanë qenë disa ndërtime të kryera në mënyrë të egër, pa respektuar kriterin e ndërtimit”, është shprehur ai për KTV.
Kujtojmë se të dielën, është ndjerë një tërmet në vend me epiqendër Vitinë dhe lëkundje që janë përcjellur në zonat përreth./InLajmi/
