Zjarret po përhapen me të madhe edhe në vendin tonë, përcjell InLajmi.
Lidhur me këtë janë deklaruar nga Policia e Kosovës, përmes një komunikate për medie, ku njoftojnë se janë të angazhuar me përkushtim në parandalimin dhe shuarjen e zjarreve.
Sipas tyre, aty ku po kërkohet po ofrojnë asistencë me pajisje policore si topat e ujit si dhe duke koordinuar aktivitetet me agjencionet tjera në të gjitha rajonet ku janë raportuar vatra zjarri.
Tutje, Policia e Kosovës ka njoftuar se është angazhuar në mënyrë intensive në hetimin e shkaktarëve të zjarreve dhe të gjithë personat që dyshohen se kanë shkaktuar zjarrvënie të qëllimshme, do të përballen me organet e drejtësisë.
Postimi i plotë:
Referuar situatës në të cilën ndodhemi lidhur me përhapjen e disa zjarreve nëpër lokalitete të ndryshme të vendit tonë, Policia e Kosovës me kapacitetet e saj në dispozicion po angazhohet me përkushtim në parandalimin dhe shuarjen e zjarreve duke ofruar asistencë me pajisje policore si topat e ujit si dhe duke koordinuar aktivitetet me agjencionet tjera në të gjitha rajonet ku janë raportuar vatra zjarri.
Policia e Kosovës është angazhuar në mënyrë intensive në hetimin e shkaktarëve të zjarreve dhe të gjithë personat/individët që dyshohen se kanë shkaktuar zjarrvënie të qëllimshme, apo si pasojë e neglizhencës së tyre, do të përballen me organet e drejtësisë./InLajmi/
