Nesër, 03 gusht 2021, 10:00 deri në orën 12:00, Ministria e Kulturës, Rinisë dhe Sportit dhe Zyra e UNICEF-it në Kosovë shënojnë hapjen e Muajit të Rinisë me mundësi të punës praktike për 900 të rinj, përcjell InLajmi.
Ngjarja mbahet në Parkun e Gërmisë (tek fusha e basketbollit, pranë Qendrës Rekreative).
Të pranishëm do të jenë përfaqësues të Qeverisë së Kosovës, Ambasadori i Republikës së Austrisë në Kosovë, Christoph Weidinger, përfaqësues të institucioneve ndërkombëtare, private dhe publike, Organizatat e Shoqërisë Civile (OSHC), mediat si dhe 200 të rinj.
Nga ministria bëjnë ftesë për ndjekje të këtij aktiviteti./InLajmi/
