Pak minuta më parë ka arritur ekipi i xhudos në Aeroportin “Adem Jashari”, nga Tokyo, ekip ky që ia solli vendit tonë 2 medalje të arta, raporton InLajmi.
E për ta pritur këtë ekip që ia zbardhi vendit tonë fytyrën, ka dalë kryeministri Albin Kurti.
Me këtë rast do të mbahet edhe një konferencë për media, ku marrin pjesë trajneri Driton Kuka, kryetari i Federatës së Xhudos të Kosovës, Agron Kuka, Distria Krasniqi, Nora Gjakova, Akil Gjakova dhe zëvendësministrja e MKRS-së, Daulina Osmani.
Ekipi i xhudos më pas do të shkojë në sheshin “Zahir Pajaziti” rreth orës 21:00, ku qytetarëve do t’u drejtohen kryeministri Albin Kurti, trajneri Driton Kuka, Distria Krasniqi dhe Nora Gjakova.
Ndryshe, xhudistet Nora Gjakova dhe Distria Krasniqi hyn në historinë e sportit të Kosovës, pasi në lojërat olimpike në Tokio fituan 2 medalje të arta./InLajmi/
