Kryetari i Kuvendit, Glauk Konjufca ka thënë se Kosova sonte ka festë, përcjell InLajmi.
Sipas tij, Kosova sot ka festën e madhe të triumfit në Lojërat Olimpike “Tokyo 2020”.
E këtë sukses që e kanë arriturt vajzat tona në krye me trajnerin Driton Kuka, është ëndërr e shumë shteteve.
“Nga 2Olimpiada, vashat tona, me trajnerin Driton Kuka, i sollën Kosovës 3 medalje të arta. Sukses i jashtëzakonshëm, ëndërr e shumë shteteve të botës. Përgëzime, mirënjohje dhe falënderime për tërë ekipin tonë olimpik, që na bëri krenarë me arritjet kolosale në Tokio”, ka thënë ai.
Postimi i plotë i tij:
Mirë se vini KAMPIONE OLIMPIKE!
Kosova sonte është në festën e madhe të triumfit historik në Lojërat Olimpike Tokyo 2020.
Të praruarat Distria Krasniqi dhe Nora Gjakova, në garën më të fortë në botë, vulosën suksesin madhështor të Majlinda Kelmendit në Rio 2016, duke lartesuar edhe më tej sportin e xhudos, kombin dhe shtetin e Kosovës.
Nga dy Olimpiada, vashat tona, me trajnerin Driton Kuka, i sollën Kosovës 3 medalje të arta. Sukses i jashtëzakonshëm, ëndërr e shumë shteteve të botës.
Përgëzime, mirënjohje dhe falënderime për tërë ekipin tonë olimpik, që na bëri krenarë me arritjet kolosale në Tokio./InLajmi/
