Pas 2 javësh qëndrimi në Japoni sot do të kthehen në Kosovë, kampionët olimpik përcjell InLajmi.
Nga ministria e Kulturës, Rinisë dhe Sportit është bërë e ditur se pritja ceremoniale do të fillojë nga aeroporti “Adem Jashari” si dhe do të vazhdojë deri në sheshin “Nëna Terezë”.
Kujtojmë se Nora Gjakova dhe Distria Krasniqi arritën që të sjellin në vend 2 medalje të arta.
Ceremonia shtetërore e pritjes së Kampionëve Olimpik është e ndarë në dy pjesë. Fillimisht do të bëhet pritja ceremoniale shtetërore në Aeroportin “Adem Jashari” në orën 19:50, me ç’ rast mbahet konferencë për media ndërsa, ardhja e Kampionëve Olimpikë në sheshin “Nëna Terezë” do të jetë në orën 21:00./InLajmi/
