Izraeli është bërë vendi i parë që shpërndau një dozë të 3 të vaksinës kundër koronavirusit, duke i ofruar një dozë shtesë kujtdo mbi 60 vjeç.
Ekspertët e shëndetit izraelit thonë se efektiviteti i vaksinës aktuale bie me kalimin e kohës dhe se administrimi i dozës së 3 do të shërbejë si një përforcues.
Ky veprim vjen pasi normat e viruseve në Izrael janë në rritje.Kryeministri izraelit Naftali Bennet njoftoi vendimin për të ofruar një dozë të 3 vaksine për këdo mbi 60 vjeç që ka marrë dozën e fundit të paktën 5 muaj më parë.
“Vendimi u bazua në kërkime dhe analiza të konsiderueshme, si dhe në rritjen dhe rrezikun të variantit Delta.
Izraeli tashmë ka vaksinuar 2.000 njerëz të cilët kanë imunitet të dobët me dozën e 3 pa ndonjë efekt negativ dhe tani ne po fillojmë një fushatë kombëtare të dozës së 3, “tha Bennet
Një studim izraelit tregoi se efektiviteti i vaksinës kundër koronavirusit ra nga 95% në 80 % ose edhe më pak kundrejt variantit Delta.
As SHBA-ja dhe as BE-ja nuk kanë rekomanduar ende një dozë të 3, por shumica e mjekëve izraelitë thonë se nuk besojnë se do të bëjë ndonjë dëm.
Dr Ashraf Shalmon nga Ministria e Shëndetësisë Izraelite tha se nuk është ende e qartë se sa kohë edhe një vaksinë e 3 do të sigurojë mbrojtje.
“Duket se vaksinat nuk janë të mjaftueshme për të dhënë një nivel shumë të lartë mbrojtës për një kohë shumë të gjatë pa pasur ndoshta një dozë të 3.
Tani një dozë e 3 mund të krijojë një kohë tjetër përforcuese e cila shërben për 6 muaj, një vit ose mund të sillet siç e shohim në disa lloje vaksinash si vaksinat e hepatitit ose vaksinat kundër papillomës ku një dozë e 3 zakonisht krijon një imunitet afatgjatë, “tha Dr. Shalmon
Izraeli gjithashtu ka rikthyer rregullat e kalimit jeshil, që do të thotë se banorët do të duhet të tregojnë prova të imunizimit ose një test negativ të koronavirusit për të hyrë në shumë vende publike – përfshirë koncerte, restorante dhe palestra.
Vendimet vijnë ndërsa normat e infeksionit në Izrael vazhdojnë të rriten, me më shumë se 2.000 raste të reja të raportuara çdo ditë
Përqindja e testeve të koronavirusit që kthehen pozitive tani është më shumë se 3%, 2-fishi i normës së vetëm disa javëve më pare, përcjell VOA.
Izraeli ishte një udhëheqës në fushatën e vaksinimit dhe më shumë se 60% e popullsisë ka marrë të paktën një dozë. Tani izraelitët shpresojnë se një dozë e 3 do t’u mundësojë atyre të përballen me variantin Delta.
