Ministri i Mbrojtjes, Armend Mehaj ka bërë të ditur se se FSK është duke vazhduar lokalizimin e vatrave të reja të zjarrit të shfaqura në zonën pyjore në Shtupeq të Madh të rajonit të Rugovës, përcjell InLajmi.
Sipas Mehaj operacioni është duke vazhduar edhe në këto momente i cili ka qenë gjatë gjithë ditës në bashkëpunim me helikopterët e KFOR-it dhe njësinë e zjarrfikësve të Pejës.
Tutje ai ka shtuar se janë duke u bërë përpjekje të jashtëzakonshme për të lokalizuar vatrat e reja që janë shfaqur, sidomos në mbrëmje nga erërat e shfaqura që po vështirësojnë lokalizimin e tyre.
Postimi i plotë i tij:
Operacioni i njësive të specializuara të FSK-së për lokalizimin e vatrave të reja të zjarrit të shfaqura në zonën pyjore në Shtupeq të Madh të rajonit të Rugovës është zhvilluar nga orët e mëngjesit dhe po vazhdon edhe në këto momente.
Operacioni është zhvilluar gjatë ditës në koordinim dhe bashkëpunim me njësinë e helikopterëve të KFOR-it dhe njësisë së zjarrfikjes nga komuna e Pejës.
Janë duke u bërë përpjekje të jashtëzakonshme për të lokalizuar vatrat e reja që janë shfaqur, sidomos në mbrëmje nga erërat e shfaqura që po vështirësojnë lokalizimin e tyre.
Njësitet tona edhe pse ishin të gatshme për reagim në Shirokë të Suharekës, fatmirësisht, zjarri u lokalizua paraprakisht nga autoritetet civile.
Gjendja është duke u monitoruar pandërprerë dhe FSK është në gatishmëri për reagim me të gjitha kapacitetet në dispozicion. /InLajmi/
