Ministri i Bujqësisë, Faton Peci ka filluar ditën më shumë mbarësi, duke nënshkruar Programin e Pagesave Direkte, për Subvencionet për vitin 2021, ku ka ndarë 50 milionë euro, përcjell InLajmi.
Peci ka shkruar se këto para do të jenë përkrahje për të gjithë fermerët të cilët përmes këtij programi do ta kenë mundësinë e ushtrimit dhe zgjërimit të aktiviteteve të tyre bujqësore dhe blegtorale, në dobi të komunitetit dhe zhvillimit ekonomik të vendit.
Tutje ai ka thënë se ka mbetur vetëm procedurat ligjore dhe procedurale të udhëzimit administrativ, deri tek hapja e aplikimit.
Postimi i plotë i tij:
Mirëmëngjes qytetarë të Republikës së Kosovës,
50 milionë euro përkrahja për fermerët këtë vit, vetëm në kategorinë e subvencioneve.
Sapo nënshkruva Programin e Pagesave Direkte / Subvencioneve për vitin 2021 i cili do të jetë një përkrahje për të gjithë fermerët të cilët përmes këtij programi do ta kenë mundësinë e ushtrimit dhe zgjërimit të aktiviteteve të tyre bujqësore dhe blegtorale, në dobi të komunitetit dhe zhvillimit ekonomik të vendit.
Me shpalljen e këtij programi vlera e përkrahjes vetëm në kategorinë e subvencioneve për këtë vit arrin 50 milionë euro. Ka ngelur tashmë vetëm procedurat ligjore dhe procedurale të udhëzimit administrativ, deri tek hapja e aplikimit. /InLajmi/
