Novak Djokovic ka shprehur zhgënjimin e tij pas 2 humbjeve në 2 gjysmëfinalet në Lojërat Olimpike “Tokyo 2020”.
Serbi humbi 1:6, 6:3,6:1 ndaj gjermanit Alexander Zverev në konkurrencën e meshkujve, teksa ai dhe Nina Stojanovic u mposhtën ndaj Aslan Karatsev dhe Elena Vesnina në 2-she 7:6 dhe 7:5.
Djokovic përjetoi zhgënjim të 2-fishtë, pasi humbi mundësinë të synonte triumfin në 4 GrandSlame dhe medaljen e artë në Olimpiadë në vitin e njëjtë, përcjell Gazeta Express
“Duhet t’i japë kreditë Zverevit për rikthimin e ndeshjes. Ai shërbeu jashtëzakonisht mirë. Shërbimet e mija ranë drastikisht. Loja ime u prish. Ndjehem tmerrësisht keq. Shpresoj që të rikthehem dhe ta fitojë të paktën të bronztën për vendin tim” – u shpreh numri një i botës, Djokovic.
