Një aksident komunikacioni ka ndodhur sonte në fshatin Lupç, Komuna e Podujevës, rreth orës 18:00, përcjell InLajmi.
Këtë për InLajmi e ka konfirmuar, Agron Borovci, zëdhënës në Policinë e Kosovës, Rajoni i Prishtinës.
Nga ky aksident, 2 persona kanë marrë lëndime.
“Rreth orës 18:00 në fshatin Lupç të Podujevës, ka ndodhë një aksident trafiku, ku janë përfshirë 2 automjete.
Si pasojë e aksidentit 2 persona kanë pësuar lëndime trupore. Personat e lënduar janë dërguar për trajtimin e nevojshëm mjekësor në QKUK”, tha Borovci.
Ndryshe, sipas tij, Njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti./InLajmi/
