Për restaurimin e Sahat Kullës, Komuna e Prishtinës ka nënshtruar marrëveshje me UNDP-në, raporton InLajmi.
Përfaqësuesja e UNDP-së në Kosovë, Maria Suokko, ka thënë se synim kanë ruajtjen e trashëgimisë kulturore dhe se do të investojnë edhe më tej në projekte të tilla.
“…jam e nderuar që gjendem në një vend kaq të rëndësishëm. Ju përgëzojnë për punën dhe bashkëpunimin për restaurimin e Sahat Kullës”.
“Ky projekt ka synim ruajtjen e trashëgimisë dhe do të bëhen edhe restaurime të tjera në pjesë të Kosovës. E di që Sahat Kulla reprezenton histori dhe kulturë për Prishtinë, është shembull i arkitekturës dhe duhet ta kuptojmë se e rëndësishme është ruajtja e këtyre objekteve. Jam e lumtur që po kontribuojmë në këtë projekt”.
Kurse nga Komuna e Prishtinës, ka folur drejtori i Drejtorisë së Kulturës, Adrian Berisha ku ka thënë se ky projekt do të kushtojë 120 mijë euro, ku 70 mijë janë investim nga komuna dhe 50 mijë nga UNDP-ja.
“Me fol për sahat kullën kam shumë për të thënë por më në fund po shohim sahat kullë që po fillojnë me i funksionuar akrepat e saj. projekti financohet në vlerën 120 mijë euro, dhe vlera që e marrim nga komuna është 70 mijë euro të tjerat nga UNDP-ja”.
“Sa i përket kabllove komuna e Prishtinës së bashku me KEDS sepse kabllot janë në pronësi të KEDS jemi duke impementuar projekt në vlerën 15 mijë euro në shumë zona kabllot po futen nën tokë dhe këtë jemi duke shtyrë përpara që kabllot të futen përbrenda”. /InLajmi/
