Komuniteti Olimpik i Kosovës ka bërë të ditur se xhudistja, Loriana Kuka nuk ka arritur që të vazhdojë rrugën drejt medaljes olimpike në Lojërat Olimpike të cilat janë duke u mbajtur në Tokio, përcjell InLajmi.
Loriana është mundur nga rusja Aleksandra Babintseva, ne rundin e 2-të të kategorisë -78 kg.
Xhudistët nga Kosova përmbyllin këtu garat në Tokio2020, me një bilanc të jashtëzakonshëm duke fituar 2 medalje të arta nga Nora Gjakova dhe Distria Krasniqi.
Postimi i tyre i plotë:
Loriana Kuka nuk ka arritur të vazhdojë rrugën drejt medaljes së tretë olimpike për Kosovën në Lojërat Olimpike Tokio 2020.
Xhudistja jonë u mund nga rusja Aleksandra Babintseva, me shënim të artë në raundin e dytë të kategorisë -78 kg.
Kukës nuk i priu fati, pasi lufta që zgjati mbi gjashtë minuta po shkonte në favor të saj.
Lori ka përpara një karrierë të gjatë dhe e presin edhe Olimpiada të tjera.
Ekipi olimpik i xhudos e mbyll këtu garimin në Tokio 2020, me bilanc të jashtëzakonshëm, duke fituar dy medalje të arta me Distria Krasniqin e Nora Gjakovën. /InLajmi/
