Rreze Hoxha – Zhuja nga Grupi për Studime Juridike dhe Politike, ka mbajtur tryezë e diskutimit me temën “Themelimi i Gjykatës Komerciale Kosovë: Nevoja për themelimin e saj, sfidat dhe pritshmëritë”, raporton InLajmi.
Hoxha-Zhuja ka thënë se Gjykata në bazë të vlerësimeve do të sjellë më shumë dëm se sa dobi.
Tutje ajo ka thënë se nëse arsyetohet me kohëzgjatjen e zgjedhjes së lëndëve të njëjtë kohë lëndët e marrin të shqyrtohen edhe në departamentin në kuadër të Gjykatës Themelore.
“Periudha e gjatë për të zgjedhur mosmarrëveshje është 3 vjet. Krijimi i kësaj gjykata do të shkaktonte më shumë dëme se sa dobi, afërsisht e njëjta kohë duhet për zgjedhjen e rasteve dhe në departamentin në gjykatë”.
“…nëse arsyetohet kjo do të thotë që do të duhej të krijoheshin edhe gjykata për korrupsion, krim të organizuar etj”.
Nga Lidhja Demoraktike e Kosovës, Driton Selmanaj tha se edhe qeveria ka gabuar në iniciativën për krijimin e kësaj gjykate, duke sqaruar se janë të vetmit që nuk e kanë përkrahur krijimin e saj.
“Unë dhe LDK kemi qenë të vetmit që e kemi kundërshtuar edhe ne si Qeveri e kemi pas në plan këtë, por ka qenë kërkesë e trashëguar më herët”.
“Kjo nuk është zgjidhje për shumë çështje. Shitemi ka ndërruar tash po kërkohet të bëhet riorganizim, cili është motivi, është mos puna, e tash haj de ta riorganizojmë. Pritja në zgjidhjen e lëndëve nuk e arsyeton themelimin e gjykatës, edhe pse zgjasin 3 deri në 5 vjet”.
Nga Fakulteti Juridik, profesori Visa Morina ka thënë se ka munguar dhe mungon analiza e duhur për krijimin e kësaj gjykate.
“Ka nevojë për specializim të sistemit juridik dhe gjyqësor. Duhet të behët përpjekje që të definohet juridiksioni i kësaj gjykate”. /InLajmi/
