Sylë Gashi nga Komuna e Deçanit, ka ardhur për ta pritur kunatën dhe djalin e vëllait të cilët janë të mbijetuarit në aksidentin e ndodhur në Kroaci të dielën, raporton InLajmi.
Ai derisa priste t’i vinin familjarët e tij, ka shprehur ngushëllime të sinqerta për familjarët e viktimave.
Ndërkohë, qytetari Gashi ka folur edhe për shoferin i cili pritet të dënohet në Kroaci. Kjo sipas tij, pasi që edhe ai ka udhëtuar më herët me këtë shoferë dhe që sipas tij është mjaftë i aftë si shoferë.
“Jam tu e prit kunatën, gruan e vëllait dhe djalin e vllait janë kanë në atë autobus kanë pasur fat dhe kanë pshtue. Kam dhimbje edhe për të tjerët, janë lënduar pak por kanë shpëtuar. Si kam ndi jo vetëm unë, si kemi ndi se autobusi sepse me autobus kam udhëtuar edhe vet dhe ai shofer ka qenë më i afti aty, por tash më dhimben këta që kanë shkuar. Unë po i dëgjoj disa duke folur sepse ai nuk e ka bërë me qëllim”.
Ndryshe, në këtë aksident tragjik kanë humbur jetën 10 persona, derisa mbi 40 të tjerë janë të lënduar.Në autobus kanë qenë 67 udhëtarë dhe 2 shoferë, ku njëri nga shoferët ka vdekur. Autobusi po udhëtonte në linjë të rregullt Frankfurt-Prishtinë./InLajmi/
