Tymi i madh errësoi qiellin e qytetit gjerman, Leverkusen.
E drejt vendit në këtë park industrial ku ndodhi një shpërthim i fuqishëm që dridhi gjithë qytetin, u nisen menjëherë ekipet emergjente.
Një punëtor u gjet i vdekur derisa ndaj 4 të tjerëve qe figurojnë të zhdukur, po vazhdon kërkimi.
Për ndihmë mjekësore patën nevojë 16 persona të cilët u plagosën, 11 nga të cilët goxha rëndë.
Zyra Federale e Gjermanisë për Mbrojtjen Civile dhe Ndihmën e Katastrofave fillimisht e klasifikoi shpërthimin në kompaninë kimike, si një kërcënim të madh.
Prandaj të alarmuar me situatën, u kërkuan banorëve të qëndrojnë brenda dhe të mbajnë dritaret dhe dyert e mbyllura .
Megjithatë më vonë departamenti i zjarrfikësve në matjet e ndotjes së ajrit nuk tregoi asnjë lloj anomalie.
Ata bënë me dije se po vazhdojnë të matnin ajrin për toksina.
Chempark ka brenda vetes kompani të mëdha kimike, përfshirë, Bayer dhe Lanxess.
Autoritetet ka nisur të hetojnë shkaktaret e kësaj ngjarje derisa konfirmuan se shpërthimi ka ndodhur në një zonë ku digjen mbeturinat, përcjell KlanKosova
Policia në qytetin e afërt, atë të Kolnit, ka njoftuar se ka mbyllur disa autostrada në zonën e Leverkusen, për shkak të dëmit të madh.
