Kryetari i AAK, Ramush Haradinaj ka thënë se LVV ka bërë mbi 28 punësime të familjarëve të ministrave e deputetëve në këtë periudhë qeverisëse.
Ai ka prezantuar listën me 17 emra të familjarëve të zyrtarëve të LVV-së, që sipas tij u punësuan nga Qeveria Kurti.
Sipas Haradinajt u punësuan këta persona:
1.Rabit Konjufca – axha i Glauk Konjufcës këshilltarë politikë në Ministrinë e Mbrojtjes.
2.Fadile Dyla, mbesa e deputetit të LVV-së Jahja Kokaj është ngritur në detyrë si u.d. sekretare e MAShT-it.
3.Shkurtë Aliu, motra e deputetit të LVV-së Luan Aliu u emërua anëtare e Këshillit Drejtues të Teatrit Kombëtar të Kosovës.
4.Sami Uka, vëllai i deputetit të LVV-së, Fitim Uka është emëruar këshilltar i ministrit Arben Vitia.
5.Haxhi Avdyli e punësoi në Ministrinë e Shëndetësisë djalin e axhës, Emrush Avdylin.
6.Gëzim Tosuni, nipi i Besnik Bisilimit, është emëruar anëtar në Këshillin Shtetërorë të Cilësisë.
7.Njeriu i afërt i Besnik Bislimit, Fehim Kelmendi bëhet drejtor në Telekom.
8.Dafina Gexha Bunjaku, bashkëshortja e funksionarit të LVV-së, Fatbardh Bunjaku është emëruar zv/ministre në Ministrinë e Shëndetësisë
9.Rexhep Podvorica, babai i shoferit të ministrit të Shëndetësisë, Arben Vitisë është emëruar në bordin e përkohshëm të ndërmarrjes publike “Ibër Lepenci”.
10.Bordi i KRU “Prishtinës’ ka anëtarë Evetar Zeqirin, vëllai i gruas së kandidatit për deputet të LVV-së, mentor Hyseni. Vet Mentori në qeverinë e parë të Kurti ishte emëruar në krye të këtij bordi.
11 dhe 12. Nazlije Bala dhe Flamur Pireva këshilltarë politik të ministres Albulena Haxhiu. Nazlija ishte kandidate e LVV-së për deputete.
13.Aktivisti i LVV-së Flamur Arifaj, këshilltarë politik dhe zëdhënës
14.Rafet Jashari i LVV-së i emëruar drejtor i Postës. Gruan në departament të financave, kunatën në arkiv dhe nipin në prokurim.
15 dhe 16. Motra dhe vajza e axhës së Liburn Aliut punësohen nga Arben Vitia.
- Sot me 27 korrik nga Arben Vitia emërohen në Bordin Qendrorë për Shkollim Specialistik Driton Vela, ish kandidat i LVV-së për deputetë, vëllai i Blerim Velës dhe Arsim Kurti, vëllai i gruas së deputetit të Listës Guxo, Burim Karameta, tha ai në RTV Dukagjini
Haradinaj ka thënë se nuk ka asgjë personale me Kurtin por është kundër fenomeneve negative që po ndjek qeveria e tij.
