Presidentja e Kosovës, Vjosa Osmani, pas eliminimit të kampiones Majlinda Kelmendi në raundin e parë të garave deri në 52 kilogramë në Lojërat Olimpike “Tokyo 2020”, së fundmi ka reaguar me disa fjalë mjaftë prekëse, përcjell InLajmi.
Majlinda, sipas presidentes, është ajo që ia dha Kosovës shkëlqimin e saj të parë, ajo që e ndriqoi emrin e Kosovës para krejt botës, ajo që ngriti flamurin tonë atje ku nuk arrinte askush tjetër dhe bëri që të dëgjohej e nderohej himni ynë në vende që nuk na njohin.
Tutje, përmes postimit në rrjetet sociale, Osmani ka falenderuar kampionen Kelmendi, ndërsa ka shtuar se çfarë ka bërë ajo për Kosovën tejkalon çdo medalje.
Postimi i plotë i saj:
Majlinda për ne mbetet kampione olimpike e përhershme. Është ajo që i dha Kosovës shkëlqimin e saj të parë, ajo që e ndriqoi emrin e Kosovës para krejt botës, ajo që ngriti flamurin tonë atje ku nuk arrinte askush tjetër dhe bëri që të dëgjohej e nderohej himni ynë në vende që nuk na njohin.
Majlinda i solli Kosovës respekt më shumë se çdokush tjetër. Ajo i dha motiv çdo fëmije, çdo të riu, e mbi të gjitha çdo vajze, për të luftuar për ëndërrat e veta e për t’u ringritur gjithnjë pavarësisht sfidave.
Faleminderit kampione, për këto e shumëçka tjetër. Sepse ajo çfarë ke bërë ti për Kosovën tejkalon çdo medalje. Pavarësisht rezultatit të sotëm, ti tashmë ke realizuar ëndrrën e një populli të tërë.
Por jo vetëm falënderim Majlindë. Me ty jemi të gjithë, e arta jonë.
Majlinda është Kosova! 🇽🇰/InLajmi/
