Presidentja e vendit, Vjosa Osmani ka komentuar fitoren e Distria Krasniqit në Lojërat Olimpike të cilat janë duke u mbajtur në Tokio, përcjell InLajmi.
Osmani e cila është vet e pranishme në këto lojëra ka thënë për Distrian se i solli Kosovës medalien e 2-të të artë olimpike.
Tutje Presidentja ka thënë se Distria Krasniqi e ngriti sot flamurin e shtetit të saj në piedestalin më të lartë. Me suksesin e saj olimpik ajo nderoi një komb të tërë, si dhe e gëzoi fort çdo zemër në Kosovë por edhe shumë të tjera anë e mbanë botës.
Postimi i saj i plotë:
Distria i solli Republikës sonë medaljen e dytë të artë olimpike. Nder e krenari e lumturi e papërshkrueshme.
Ajo e ngriti sot flamurin e shtetit të saj në piedestalin më të lartë. Me suksesin e saj olimpik ajo nderoi një komb të tërë, si dhe e gëzoi fort çdo zemër në Kosovë por edhe shumë të tjera anë e mbanë botës.
Distria, e para e botës, dëshmoi sot sërish se është e pamposhtur dhe se është krenaria e vendit tonë. Ajo dëshmoi që talenti dhe puna triumfojnë gjithnjë.
Sot, nëpërmjet Distrias, Kosova shkëlqeu para tërë botës.
Sot dhe përherë, Kosova do të krenohet me ty. Bravo! /InLajmi/
