Kryetari i Partisë Demokratike të Kosovës, Memli Krasniqi ka bërë të ditur se është takuar sot me përfaqësuesit e Institutit Demokratik Kombëtar, që sipas Krasniqit e tashe sa vite përkrahin demokracinë në Kosovë, përcjell InLajmi.
Tutje i pari i PDK-së ka shkruar se tash e 20 vite PDK dhe NDI kanë pasur bashkëpunim të ngusht mes vete.
Ndërsa sa i përketë takimit të sotëm, Krasniqi i ka falënderuar përfaqësuesit e NDI-së për mbështetjen.
Postimi i plotë i tij:
Instituti Demokratik Kombëtar (NDI) tash e sa vjet ka dhënë përkrahje të vazhdueshme për demokracinë në Kosovë, e në veçanti në ngritjen e kapaciteteve të partive politike. Në këtë angazhim, Partia Demokratike e Kosovës ka bashkëpunuar ngusht me NDI, tash e 20 vjet.
Në takimin e sotëm, drejtoreshën rezidente të NDI në Kosovë, Ambasadoren Nancy Soderberg, e falënderova për mbështetjen dhe theksova gatishmërinë tonë që si liderë të opozitës të angazhohemi për ruajtjen dhe forcimin e demokracisë në vend dhe për përfaqësimin e denjë të kërkesave dhe nevojave të reja të qytetarëve. /InLajmi/
