Ish-Presidentja e Kosovës, Atifete Jahjaga është vaksinuar me dozën e parë të vaksinës anti-Covid, në sallën 1 Tetori në Prishtinë, përcjell InLajmi.
Jahjaga ka thënë se vendi jonë është i gatshëm që të vaksinojë popullin e tij, dhe ne duhet që ta shfrytëzojmë këtë mundësi.
Tutje Jahjaga ka falenderuar stafin mjekësor për shërbimin dhe punën tejet profesionale.
Postimi i plotë i tij:
Sot, në sallën 1 Tetori u vaksionova edhe unë.
Bota po vazhdon të sfidohet dhe ballafaqohet me pasojat e COVID-19. Shumë të tjerë humbën më të dashurit e tyre si pasojë e virusit, kështu duke krijuar një boshllëk në zemrën e secilit në një formë ose tjetër.
Tani, kur vendi jonë është i gatshëm të vaksinoj qytetarët, ne duhet ta shfrytëzojmë këtë mundësi dhe të drejtën tonë pasi që kjo është mënyra më e sigurtë për t’i shpëtuar virusit.
Gjithashtu, falenderoj stafin mjeksësor për shërbimin dhe punën tejet profesionale. Ishit shpresa jonë më madhe, në luftën me COVID-19. /InLajmi/
