Policia e Kosovës ka njoftuar se në orën 01:20 të natës ka pranuar informatë për një përleshje në mes të disa personave në Prishtinë, saktësisht në rrugën “Gjorgj Bush”, përcjell InLajmi.
Për Gazetën InLajmi, rastin e ka bërë të ditur zëdhënësi i Policisë në rajonin e Prishtinës, Agron Borovci ku ka treguar se policia ka ndërrmarrë veprimet e nevojshme ku edhe disa prej tyre janë dërguar në stacionin policor, që sipas Policisë shumica ishin nën ndikim të alkoolit.
Tutje Borovci ka bërë të ditur se një person ka marrë tretman mjekësor pas lëndimeve të shkaktuara.
“Informata është pranuar rreth orës 01:30 për një rrahje në mes të disa personave, të ndodhur në një lokal në rrugën “Gjorgj Bush” në Prishtinë. Policia ka dalë në vendin e ngjarjes ka ndërmarrë veprimet e nevojshme dhe ka shoqëruar në stacionin policor disa persona, shumica nga ta nën ndikim të alkoolit. Një person i lënduar ka marrë trajtimin e nevojshëm mjekësor. Aktualisht po trajtohen rrethanat e ngjarjes”, ka deklaruar Borovci. /InLajmi/
