Një punëtor i KEDS-it e ka humbur jetën pas një incidenti me energji elektrike, përcjell InLajmi
Fillimisht ai ishte dërguar për trajtim në Spitalin Rajonal në Mitrovicë pas lëndimeve të marra nga rryma por që nuk kishte arritur t’i bënte ballë lëndimeve.
Kështu bëri të ditur Avni Zahiti, zëdhënës i policisë për rajonin e Mitrovicës.
“Rreth orës 17:30 të datës 21 korrik 2021, është raportuar se në rrugën “Marie Shllaku” në Skenderaj viktima rreth 53 vjeçar, kishte pësuar lëndime nga rryma elektrike. Viktima është dërguar për tretman mjekësor në Spitalin Rajonal në Mitrovicë, ndërsa më vonë nga autoritetet spitalore është raportuar se viktima ka vdekur.Njësitë relevante policore kanë dalë në vendin e ngjarjes. Trupi i pajetë i viktimës dërgohet në IML për obduksion”, ka njoftuar Zahiti
Ndryshe, për vdekjen e punëtorit të KEDS-it ka njoftuar edhe kryetari i komunës së Skenderajt Bekim Jashari./InLajmi/
