Pika kufitare Restelicë-Strazimir do të jetë tani vendkalimi tjetër kufitar mes Kosovës dhe Maqedonisë së Veriut.
Vendkalim ky që thuhet se do të ndihmojë edhe më shumë në bashkëpunimin mes të 2-ja vendeve.
Ministri i Punëve të Brendshme, Xhelal Sveçla është shprehur se ky rajon kufitar gjithnjë ka kultivuar marrëdhënie të mira në mes banorëve Kosovës dhe Maqedonisë së veriut, e për çka thekson se duhet angazhim për lehtësimin e jetës dhe veprimtarisë së tyre.
“Si 2 vende fqinje ne kemi marrëdhënie të mira ndërshtetërore. 2 shtetet tona gëzojnë marrëdhënie historike, politike, ekonomike dhe kulturore të cilat e bëjnë të domosdoshëm bashkëpunimin tonë. Ky rajon ndërkufitar gjithmonë ka kultivuar marrëdhënie të veçanta në mes banorëve të 2 vendeve. Bashkëjetesa e mirë e qytetarëve tanë nga 2 zonat, përkundër kufijve na shtyn të angazhohemi për lehtësimin e jetës dhe veprimtarisë së tyre. Kjo do të hapë mundësi të reja të zhvillimit dhe bashkëpunimit në mes 2 vendeve tona në sektorë të ndryshëm”, tha ai.
Në ceremoninë e hapjes së këtij vendkalimi i pranishëm ishte edhe ministri i Punëve të Brendshme të Maqedonisë së Veriut, Oliver Spasovki.
Ai tha se hapja e këtij vend kalimi do të jetë i sigurt për çështje ekonomike apo private, raporton KosovaPress.
“Dua të potencoj nevojën e bashkëpunimit me kolegët e Punëve të Brendshme të Kosovës në kontrollin e vijës kufitare nga viti në vit shënon një përparim evident, jo vetëm në aktivitetet e përditshme kufitare, në kontaktet e përbashkëta ne pikat kufitare, në patrullimet e përbashkëta dhe të ngjashme, sikurse edhe bashkëpunimi i përbashkët që të bëhet bashkëpunimi më intensiv. Para neve është një detyrë e madhe e kjo është puna e përbashkët përmes partnereve tonë ndërkombëtar, që të sigurojmë mjetet financiare dhe me në fund t’i zgjidhim të gjitha problemet e infrastrukturës”, tha ai.
