Në kuadër të punës parandaluese që po bën Policia e Rajonit të Prishtinës, në theks të veçantë gjetjen e armëve dhe municioneve, dukuri kjo që kohëve të fundit ka qenë ndër prioritetet për tu luftuar nga ana e policisë së rajonit të Prishtinës, sot rreth orës 12:00, ka arrestuar një person dhe ka sekuestruar një armë, përcjell InLajmi.
Kjo ka ndodhur në fshatin Llukarë të Prishtinës, një i dyshuar kishte shtënë me armë zjarri në një aheng familjar, ndërsa ka rezultuar me angazhim specifik policor me ç’ rast është arrestuar i dyshuari.
Ndaj të dyshuarit me aktvendim të prokurorit të shtetit është shqiptuar masa e ndalimit prej 48 orësh.
Njoftimi i plotë i Policisë:
Prishtinë, 17 korrik 2021 – Në kuadër të punës së shkëlqyer parandaluese që po bën policia e rajonit të Prishtinës, me pikësynim të veçantë, gjetjen e armëve dhe municioneve, dukuri kjo që kohëve të fundit ka qenë ndër prioritetet për tu luftuar nga ana e policisë së rajonit të Prishtinës, sot rreth orës 12:00, ka arrestuar një person dhe ka sekuestruar një armë.
Marrja e informatave në rrugë operative se në fshatin Llukarë të Prishtinës, një i dyshuar kishte shtënë me armë zjarri në një aheng familjar, ka rezultuar me angazhim specifik policor me ç’ rast është arrestuar i dyshuari;
- B. G, mashkull 33 vjeç, shtetas i Republikës së Kosovës, si dhe
pas një kontrolli të detajuar, policia ka arritur të gjejë dhe sekuestroj:
Një revole të tipit TT, kalibër 7.62 mm, si dhe,
25 copë fishek, kalibër 7.62 mm.
Ndaj të dyshuarit me aktvendim të prokurorit të shtetit është shqiptuar masa e ndalimit prej 48 orësh, për veprat “ Shkaktim i rrezikut të përgjithshëm si dhe Mbajtje në pronësi, kontroll ose posedim të pa autorizuar të armës” për tu proceduar më tej në procedurë.
Së këndejmi ju sigurojmë që të gjitha nivelet e policisë në kuadër të drejtorisë rajonale të Prishtinës, me përkushtim të lartë po kryejnë detyrat zyrtare me qëllim të garantimit dhe ruajtjes së rendit dhe qetësisë publike si dhe parandalimit të akteve kriminale krejt kjo me qëllim të krijimit të rrethanave të sigurta për të gjithë qytetarët e vendit./InLajmi/
